Депутат Камила Талиева Жогорку Кеңештин комитеттеринин төрагаларынын орун басарлары 3төн ашпаш керектигин айтты. Бул тууралуу ал бүгүн, 13-январда парламенттин жыйынында билдирди.
"5 жетекчи 1 жумушчу болобу? Кыргызга папка карматып бийлик берип эле койсо. Төрага орун басарлары үчтөн ашпашы керек. Ар бирине добуш берели", - деди ал.
Депутат Өмүрбек Бакиров Талиеванын сунушун колдоду.
Ал эми Исхак Масалиев орун басарларга чек болбошу керектигин айтты.