Алматыдагы баш аламандык учурунда өлүкканадан 41 адамдын сөөгү уурдалганы айтылды

Казакстандагы баш аламандыктан Алматы шаары боюнча 149 адам каза болду. Мындай статистиканы Алматы шаардык полиция департаментинин башчысы Канат Таймерденов брифинг учурунда айтканын казак басылмалары жазышат.

Маалым болгондой, каза болгондордун ичинен 11и укук коргоо кызматкери болсо, калганы жергиликтүү тургундар.

"Ал 5-январдан 6-январга караган түнү баш аламандыктын катышуучулары шаардык ички иштер бөлүмүн, Алмалы, Жетисуу, Ауэзов, Бостандык райондук бөлүмдөрүн жана жергиликтүү милиция кызматынын имаратын куралдуу басып алууга аракет кылышканын эске салды.

Ошондой эле бул күндөрү өлүкканага жети жолу кол салуу болуп, 41 маркумдун сөөгү белгисиз адамдар тарабынан уурдалганын айтты", - деп жазылат маалыматта.

Коңшу өлкөдөгү массалык баш аламандыктан жалпы 225 адам көз жумуп, анын 175и медициналык жайларда жан бергенин казак маалымат каражаттары кабарлашат.

РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА