Бишкекте 11 жаштагы окуучуну сүзүп, качып кеткен айдоочу аныкталды

Бишкекте 11 жаштагы мектеп окуучусун сүзүп, андан ары из жашырып качып кеткен айдоочу 2 күндөн кийин кармалды. Бул тууралуу милициянын кайгуул кызматынан билдиришти.

Окуя 17-январда саат 17:30 чамасында Юнусалиев жана Койбагаров көчөлөрүнүн кесилишинде катталган. Анда айдоочу жөө адамдар өтүүчү өтмөктөн өтүп бара жаткан окуучуну сүзгөн. Жабырлануучу алган жаракаттарынан улам ооруканага жеткирилген.

"Ыкчам тергөө иштеринин жүрүшүндө шектүү делинип 1994-жылы туулган А.Т. кармалды. Ал тергөө кызматына жеткирилди. Бул факты Кылмыштардын бирдиктүү реестрине катталып, сотко чейинки өндүрүшкө алынды", - дешет маалымат кызматынан.

Автор: Бактыгүл Момбекова
Фото: Милициянын кайгуул кызматы