Акылбек Жапаров: "Авария бизде болбогонун көрсөтүп да, далилдеп да бере алабыз"

Бүгүн, 25-январда Борбор Азиядагы электр шакекчесинде авария болуп, ал Кыргыз өлкөсүнө да таасир берди. Тагыраагы, өлкөдө электр энергиясы үзгүлтүккө учурады.

Өзгөчө кырдаалга байланыштуу министрлер кабинетинин төрагасы Акылбек Жапаров менен энергетика министри Доскул Бекмурзаев маалымат жыйын беришти.

"Борбор Азиядагы электр шакекчесиндеги авария биринчи жолу болуп жатат. Азырынча эмне себеп болгонун, кайсы жерде болгону тууралуу божомолубуз жок. Бирок мүчүлүштүк биздин өлкөдөн кетпегенин көрсөтүп да, далилдеп да бере алабыз", - деди Акылбек Жапаров.

Автор: Бактыгүл Момбекова