Жалал-Абад облусунда Чаткал районунан башка аймактарына электр жарыгы берилди

Жалал-Абад облусунда Чаткал районунан башка аймактарына электр жарыгы берилди. Бул тууралуу "Жалал-Абад электр" ачык акционердик коомунан билдиришти.

"25-январдан 26-январга караган түнү энергетиктер күчөтүлгөн тартипте иш алып барышат. Учурда облустун Чаткал районунан башка аймактарына электр энергиясы берилди.

"Жалал-Абад электр" ААКнын башкы дирекциясы, район электр тармактар ишканасынын жетекчилери, башкы инженерлери жана ыкчам бригадалар күчөтүлгөн тартипте иштешет", - деп жазылат билдирүүдө.

Бүгүн, 25-январда түштө өлкөнүн дээрлик бардык аймагында электр жарыгы өчкөн. Энергетика министрлигинин басма сөз кызматы жарык Борбор Азия боюнча өчкөнүн билдирген.

Автор: Азат Бейшенбеков