Бишкекте ири алдамчылыкка шектелип 42 жаштагы тургун кармалды

Бишкекте ири алдамчылыкка шектелип 42 жаштагы тургун кармалды. Бул тууралуу Борбор калаанын Октябрь райондук милициясынын басма сөз кызматынан билдиришти.

Маалыматка ылайык, Бишкек шаарынын К.М. аттуу тургуну аны алдап кеткен адамга чара көрүп берүү өтүнүчү менен арыз жазган. Анда А.Р. аттуу таанышы чет өлкөлүктөрдөн 80 миң доллар ссуда алып берем деп 5 миң долларын алып кеткен. Ошол бойдон изин жашырып кеткен. Издөө иштеринин жүрүшүндө шектүү катары 42 жаштагы А.Р. аттуу адам кармалып, убактылуу кармоочу жайга киргизилген.

Учурда ушул сыяктуу башка иштерге да тиешеси бар же жогу такталууда.

Автор: Кенжебай Сатканалиев