Баткенде турак үйдөн өрт чыкты

Баткенде турак үйдөн өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 29-январь күнү кечки саат 19:22де Лейлек районунун Кулунду айылында турак үй өрттөнгөндүгү боюнча маалымат келип түшкөн. Өрттү өчүрүүгө 1 бөлүм тартылып, 21:51де толугу менен өчүрүлдү.

Өрттүн жалпы аянты 52 чарчы метр. 5 бөлмөлүү турак үйдүн 2 бөлмөсүнүн, коридорунун ичи күйгөн. Үй ичинде эмеректер болгон эмес.

Материалдык чыгым: 9 даана стропила, 15 даана торсун, 2 даана терезе, 81 м рейка, 75 даана шифер, 3,9 куб тактай. Жабыркагандар жок.

Өрттүн чыгуу себеби такталууда.

Автор: Жылдыз Джускембаева