Бишкекте кардын жаашы менен жол кырсыктарынын саны өстү

Бишкек шаардык жол кайгуул кызматы борбордо кардын жаашы менен жол кырсыктарынын саны өскөнү тууралуу маалымат берди. Ага ылайык кечээ, 20-ноябрда сутка ичинде борбордук жол кайгуул кызматына 32 чакыруу келип түштү. Милиция кызматкерлери 11 жол кырсыгы болгондугун билдиришти.

20-ноябрда саат 15:30дар чамасында 35 жаштагы Т.Г. Мазда-Демио автоунаасын айдап баратып, рулду башкара албай жолдон чыгып кеткен.

Жол кырсыктарында материалдык чыгымдар болуп, адамдар жаракат алган эмес. Жол кайгуул кызматы бардык айдоочуларды жол эрежесин сактап, этият болууну эскертет.

Автор: Айпери Ганыжан кызы