Жүргүнчүлөрдү ташыган кичи автобустан 4 килограммдан ашык баңгизат табылды

Бишкек-Нарын-Торугарт унаа жолунан жүргүнчү ташыган кичи автобустан 4 килограммдан ашык баңгизат табылды. Ички иштер министрлигинин маалымат кызматынан кабарлашкандай, айдоочу Жумгалдын Чаек айылынан Бишкекти көздөй келе жаткан.

Белгилүү болгондой, 20-январда саат 20:30 чамасында Бишкек-Нарын-Торугарт унаа жолунан Мерседес Спринтер кичи автобусу токтотулган.

"Автобусту кинологдун жардамы менен тинтүү учурунда багаждан желим бөтөлкөлөр салынган коробка табылган. Коробкада болжол менен 3 килограмм 485 грамм болгон зат салынган. Ошондой эле сары түстөгү баштыкта 58 даана ширеңке кутучалары түрүндө жасалган гашиштей кескин жыты бар, болжолдуу салмагы 787 граммды түзгөн ачык күрөң түстөгү катуу зат табылган.

Алынган баңгизатты мыйзамсыз сактоого шектелип автобустун жүргүнчүсү кармалды. Ал Жумгал районунун тургуну 1997-жылы туулган К.Ж. болуп чыкты. Кармалган жаран мурда каракчылык боюнча соттолгон.

Бул факты боюнча Кылмыш-жаза кодекстин 282-беренесинин 3-бөлүмү (баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо) менен кылмыш иши козголду.
Кармалган жаран Бишкек шаарындагы тергөө абагына киргизилди. Учурда иликтөө иштери жүрүп жатат", - дешти мекемеден.

Автор: Бактыгүл Момбекова
Фото: ИИМдин маалымат кызматы

18:01 31-01-2022

Жазылуу

РУБРИКАДАГЫ СОҢКУ КАБАРЛАР

23:44 2025-05-23 | Түркүн дүйнө

Кытайда дүйнөдөгү эң бийик көпүрөнүн курулушу аяктоо алдында турат (видео) 728 0

22:51 2025-05-23 | Спорт

Караколдогу реконструкциядан өткөн стадионду президент "Ынтымак Арена" деп атады (видео) 512 0

22:22 2025-05-23 | Саясат

Ысык-Көлдүн 22 айылы ичүүчү таза суу менен камсыз болот. Президент облуста болду 506 0

22:03 2025-05-23 | Коом жана турмуш

Караколдогу стадиондун ачылышына өзгөчө коноктор барды (видео) 920 0

21:05 2025-05-23 | Маданият, шоу-бизнес

Белгилүү казак ырчысы Димаш Кудайберген үйлөндүбү? (видео) 1200 0

20:34 2025-05-23 | Коом жана турмуш

Таласта сууга агып бараткан 3 кичинекей кызды милиция кызматкерлери куткарып калышты (видео) 1135 0

Архив

Комментарийлер (3)

Zynk

2022-01-31 19:23:43

Подставада бироо эле наводка берди да!

aslonur

2022-01-31 19:35:16

Кадамжайда участковый 2 кг наркотик сатты деп 1ай мурда куболор менен тастыктап берсем дагы камай албай жатышат го, анан жаш баланы эле подстава менен кармап алышат

XATSAN125

2022-01-31 19:47:03

Бул жон эле постановка да

Комментарий калтыруу үчүн өз ысымыңыз менен кириңиз же каттоодон өтүңүз.