"Уурдалган малды союп, этин сатып жиберген". Нарында мал уурдоого шектүү тургун кармалды

Нарында мал уурдоого шектелип 32 жаштагы тургун кармалды. Бул тууралуу Нарын ОИИБинен маалымдашты.

Маалыматка караганда, ал уурдалган малды союп, этин базардан сатып жиберген.

Нарын районунун тургуну 1977-жылы туулган Н.К. жергиликтүү милиция бөлүмүнө кайрылган. Анда ал 2021-жылдын 24-декабрынан 25-декабрына караган түнү белгисиз себептер менен 1 баш малы (уй) короодон чыгып кеткен бойдон жок болуп жатканын айтып, табышууга көмөк көрсөтүүнү суранган.

Аталган билдирүү Нарын РИИБи тарабынан каттоого алынган. Кылмышка шектелип Нарын районунун 1988-жылы туулган тургуну кармалып, күнөөсүн толугу менен моюнуна алган.

Сурак учурунда шектүү уурдалган малды союп, этин Бишкектеги базарлардын биринде сатып жибергенин билдирген. Учурда тергөө иштери жүргүзүлүп жатат.

Автор: Айжанар Рыспек кызы
Фото: Нарын ОИИБи