Оштогу "Кыргызстан" кинотеатрына куудул Рахман Разыковдун ысымы ыйгарылды

Оштогу "Кыргызстан" кинотеатрына Рахман Разыковдун ысымы ыйгарылды. Бул тууралуу бүгүн, 10-февралда Ош шаардык кеңештин сессиясында айтылды.

Анда "Кыргызстан" кинотеатрын куудул Рахман Разыковдун ысымына өзгөртүү сунушу айтылды. Жыйынтыгында 33 депутат макулдугун берип, 3 депутат каршы добушун берген. Токтом толугу менен кабыл алынды.

Куудул, сатирик Рахман Разыков 1955-жылы 12-майда Ош облусунун Кара-Суу районунун Таширов колхозунда азыркы Савай айылында төрөлгөн.

Кичинекей кезинде 3 мектеп которгон. 10-классына чейин аккордеондо ойноону үйрөнгөн. Студент кезинде бул өнөрү менен жетекчиликке чейин көтөрүлүп, "Таң жылдызы" деген топту негиздеген. Кийин “Бешилик”, “Беш кемпир" топторун түзгөн.
Ал 2021-жылдын 7-июнунда 66 жаш курагында дүйнө салган.

Автор: Каныкей Амантаева