Лампочкалардын 40ка жакын түрү чыгарылат. Жалал-Абаддагы Майлуу-Суу заводунун иши жанданды

Жалал-Абаддагы ири Майлуу-Суу лампа заводунун иши кайра жанданды. Бул туурасында президенттин аталган облустагы ыйгарым укуктуу өкүлчүлүгүнөн кабарлашты.

Аталган жайга президенттин Жалал-Абад облусундагы ыйгарым укуктуу өкүлү Абсаттар Сыргабаев барып, ишмердүүлүгү жана көйгөйлөрү менен жеринен таанышып чыкты.

"Азыркы учурда Майлуу-Суу лампа заводунун жалпы мүмкүнчүлүгүнөн 30 пайыздык жумуш аткарылып жатат. Бул жайдын башкы маселеси өндүрүлгөн лампаларды сатуудагы кыйынчылыктар экени белгиленди. Мындан улам жумушчулардын жана өндүрүштүн ыргагы басаңдаган.

Облус башчысы ири заводду натыйжалуу пайдалануу керектигин айтты. Алдыда Майлуу-Суу лампаларын мамлекеттик мекемелерге сатууну жолго коюу демилгеси министрлер кабинетине сунушталарын билдирди. Бул шаар калкынын басымдуу бөлүгүн жумуш менен камсыздаган заводдун ишин жандантуу жана ата мекендик өндүрүштү колдоо аракети экенин айтты.

Майлуу-Суу лампа заводунун курулушу 1964-жылы башталган. Ал эми 1967-жылы алгачкы өндүрүмүн чыгара баштаса, 1974-жылы 1 миллиард электр лампаларын өндүрүүгө жетишкен.

Азыркы учурда жогорку сапаттагы электр лампочкаларынын 40ка жакын түрү чыгарылып, 350 кызматкер эмгектенет. Завод 2021-жылы 62 миллион 500 миң даана лампа даярдаган", - дешет мекемеден.

Жалал-Абад облусунун Майлуу-Суу шаарында 26 миңдей калк жашайт.

Автор: Бактыгүл Момбекова
Фото: Президенттин Жалал-Абад облусундагы өкүлчүлүгү

15:27 11-02-2022

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1423 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 1105 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 2019 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 837 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 1251 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 1188 0

Архив

Комментарийлер (6)

Tyttty1990

2022-02-11 16:13:11

Лампа болсо керек лампочка эмес. Же токлампа

Sakubek

2022-02-11 17:55:26

Мындай лампочка азыр эч ким колдонбойт. Матовый ак чыгарбайсыңарбы

-3

Asmat84

2022-02-11 21:20:51

Sakubek,сен колдонбосон башкалар колдонобуз

Rifle_I

2022-02-12 03:04:40

Бул заводдун иштегени Кыргызстандын экономикасы үчүн чоң зыян. Лампа накаливания азыркы учурда чоң чыгымга алып келет. Экспорттоо мүмкүн эмес.

Бир колго алып сведиод же башка энергия сарамжалдуу лампаларды чыгарууга модернизация кылыш керек. Бул замандын талабы жана туура кадам болот. Акчаны аяган менен бул лампочкаларды алган адамдар электр энергияга, мамлекет энергияны генерациясынан чыгымга учурайт.

Rifle_I

2022-02-12 03:05:19

Тарых тарых боюнча калыш керек. Ал эми технология замандын талабына жараша өзгөрүш керек.

Nursul

2022-02-12 10:48:41

Сапатына да көңүл буруп койгула да лампочка алып салганынан күйүп кеткени эрте болуп калды акыркы чыгаргандары. 150 волттогу лампочкасы кичирейгенден кичирейип эле баратат.

Комментарий калтыруу үчүн өз ысымыңыз менен кириңиз же каттоодон өтүңүз.