Баткенде чек арачылар тарабынан мыйзамсыз жүктү алып өтүүгө бөгөт коюлду

Баткенде чек арадан мыйзамсыз жүктү алып өтүүгө аракет кылган жаран аныкталды. Бул тууралуу УКМКнын чек ара кызматынан билдиришти.

"Баткен облусунун Кара-Бак аймагында чек ара кызматкерлери тарабынан Кыргыз жараны Р.М.нын башкаруусундагы Мерседес-Бенц Спринтер үлгүсүндөгү унаа кармалган. Текшерүү учурунда унаадан Тажикстанда өстүрүлгөн 1600 килограмм бадыраң табылган. Ал товарларды өлкөгө мыйзамсыз алып кирүүгө аракет кылган", - деп жазылат маалыматта.

Тиешелүү документтер катталгандан кийин кармалган жаран жана жүктөр кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилген.

Автор: Айжанар Рыспек кызы
Фото: УКМКнын Чек ара кызматы