Экс-министр Молдомуса Конгантиевди акыркы сапарга узатуу зыйнаты болуп өттү

Бүгүн, 14-февралда Абдылас Малдыбаев атындагы Кыргыз Улуттук академиялык опера жана балет театрында Молдомуса Конгантиевди акыркы сапарга узатуу зыйнаты өттү.

Учурда чогулгандар маркумду жерге берүү үчүн "Ала-Арча" көрүстөнүн көздөй жөнөштү.

Коштошуу зыйнатына УКМКнын төрагасы Камчыбек Ташиев, министрлер кабинетинин төрагасы Акылбек Жапаров, Жогорку Кеңештин төрагасы Талант Мамытов, башкы прокурор Курманкул Зулушев жана депутаттар катышты.

Мындан тышкары узатуу зыйнатына маданият өкүлдөрү келишти.

Эске салсак, Молдомуса Конгантиев кечээ 63 жашында мезгилсиз дүйнө салганы маалымдалган. Улуттук коопсуздук комитетинин төрагасы Камчыбек Ташиев генералдын акыркы түшкөн сүрөтүн Фейсбуктагы баракчасына жарыялаган.

Автор: Жолдубек Качкынбаев
Фото: Жолдубек Качкынбаев