Ооруканага уурулукка кирген деп 44 жаштагы адам кармалды

Ооруканага уурулукка кирген деп 44 жаштагы адам кармалды. Бул тууралуу Бишкек шаарынын Ленин РИИБинин басма сөз кызматынан билдиришти.

Маалыматка ылайык, 12-февралда милицияга шаар тургуну кайрылып, Киев көчөсүндөгү тиш дарылаган ооруканадан белгисиз адамдар 60 миң 700 сомду түзгөн "Айфон 11" уюлдук телефонун уурдап кетишкенин айткан.

Издөө иштеринин алкагында шектүү катары 1978-жылы туулган А.У. аттуу адам кармалган.

Ленин райондук соту тарабынан шектүүгө карата эки айлык мөөнөткө үй камагы түрүндө бөгөт коюу чарасы тандалып алынган.

Учурда сотко чейинки териштирүү иштери жүрүүдө.

Автор: Кенжебай Сатканалиев