"Башты сурасаң бутту көрсөтүп, анальгин сурасаң цитрамон берет. Алымкадыр Бейшеналиев эмне себептен 17 медициналык окуу жай жабыларын айтты

Өлкөдөгү көпчүлүк медициналык окуу жайлар акча алып эле студенттерди окутпагандыктан 17 медициналык окуу жай жабылат. Бул тууралуу SUPER.KG порталына Саламаттыкты сактоо министри Алымкадыр Бейшеналиев билдирди.

Министрдин айтымында өлкөдөгү айрым жеке менчик медициналык окуу жайлар татыктуу билим бербегендиктен Кыргыз өлкөсү кара тизмеге кирип жатат.

"Биздин кээ бир окуу жайларыбызды Пакистан кара тизмеге киргизген. Себиби бизде окуп кеткен индиялыктар, пакистандыктар өздөрүнүн өлкөсүнө барып экзамен тапшырганда эч кимиси өтпөй калган. Алар баш каякта десе бутту көрсөтүшкөн да. Окубаса башты каяктан табат алар? Эмне үчүн дегенде биздин өлкөбүздөгү жеке менчик медициналык окуу жайлар окутпайт. Акча алып эле жүрө беришет. Ошон үчүн алар бизди кара тизмеге киргизип жатат.

Биз сүйлөшүп жатып өлкөдөгү төрт окуу жайды кара тизмеден чыгардык. Биздин өлкөдөн барган дипломдорду жаратышпайт экен.

Экинчиден, кээ бир медициналык окуу жайлар даярдап жаткан дарыгерлер өлкөбүздө калат. 10-15 жылдан кийин алар бизди, сен экөөбүздү дарылайт. Аналгин кана десең цитрамонду көрсөтүшөт. Анан экөөбүз айыга албай ооруп өлөбүз. Ал эми акчасы бар олигархтар билет, алар бул жактан дарыланбай АКШ, Германия жана башка жактан дарыланат. Ошон үчүн күйүп, акча алып эле окутпаган медициналык окуу жайларды жаптырып жатам", - деди Бейшеналиев.

Автор: Азат Бейшенбеков

16:30 17-02-2022

Жазылуу

РУБРИКАДАГЫ СОҢКУ КАБАРЛАР

17:51 2025-06-18 | Түркүн дүйнө

Путин Иран менен Израилдин ортосунда ортомчу болууга даяр экенин ырастады 120 0

17:35 2025-06-18 | Түркүн дүйнө

Али Хаменеи Трамптын багынып берүү чакырыгына жооп берди 569 0

17:30 2025-06-18 | Кылмыштар, кырсыктар

Балыкчы шаарындагы жер тилкеси мамлекетке кайтарылды 101 0

17:14 2025-06-18 | Саясат

Таласта жол кырсыктарын алдын алууга багытталган кеңешме өткөрүлдү 86 0

17:11 2025-06-18 | Коом жана турмуш

ЭЛДИК КАБАР: Бишкекте автобустагы абанын температурасы +50 градусга жетүүдө 264 0

16:49 2025-06-18 | Бизнес-Инфо

Биз BakAi Чатты ишке киргиздик — бул бүгүндөн баштап мобилдик банкингди өзгөрткөн жаңылык! 105 0

Архив

Комментарийлер (7)

XATSAN125

2022-02-17 16:38:45

Туппа туура

+15

ruslanz

2022-02-17 16:50:56

Туура, сандан сапатка отуш керек.

+13

talas0707

2022-02-17 17:26:45

Президент конул буруп койуш керек, болбосо бир министрдин алы келбей калышы мумкун.

Gulina00

2022-02-17 17:52:22

Туура эл колдосо кк сандан сапатка отконун.

AiTal

2022-02-18 10:57:11

Мен да колдойм министрдин айтканын. Акча төлөп коюп окубай эле жумушка орношкон "эптемей"кадрлар көбөйдү. Мындай боло берсе мамлекеттин келечеги эмне болот?

Bekish_94

2022-02-18 11:12:06

Сандан сапатка өтүүгө мезгил келди.

Nursul

2022-02-18 13:53:00

Жакшы кылыптыр. Азыр чындап эле ошондой башынбы же ичинби ооруп барсаң кандай дары жакшы таасир берерин билишпейт болжолдоп эле сата беришет.

Комментарий калтыруу үчүн өз ысымыңыз менен кириңиз же каттоодон өтүңүз.