Ошто тургундан 8 миң доллар опузалап акча талап кылган адам кармалды

Ошто тургундан 8 миң доллар опузалап акча талап кылган адам кармалды. Бул тууралуу Ош ОИИБинин басма сөз кызматынан билдиришти.

Маалыматка ылайык, Ош облусунун Араван районунун 41 жаштагы Ж.М. аттуу жашоочусу 11-январда арыз менен кайрылган. Анда ал 8-январдан тартып, бейтааныш "Н" аттуу жаран өзүнүн шериктери менен эч себепсиз коркутууларды жасап, опузалап сегиз миң доллар талап кылып жаткандыгын билдирген.

Ыкчам иш-аракеттердин жүрүшүндө 16-февралда Кара-Суу районунун 47 жаштагы бир нече жолу соттолгон З.И., аттуу тургуну кармалып, Араван РИИБинин убактылуу кармоочу жайына киргизилген.

Учурда тергөө иштери уланууда.

Автор: Кенжебай Сатканалиев