219 миллион сомдон ашык карызды эсептен негизсиз чыгарышкан. Нарында "Чыгыш электр" ишканасынын мурдагы кызматкерлери кармалды

"Чыгыш электр" ишканасынын Нарын облусундагы филиалынын мурдагы жооптуу кызматкерлери коррупцияга шектелүүдө. Бул туурасында Башкы прокуратуранын маалымат кызматынан кабарлашты.

Белгилүү болгондой, "Чыгыш электр" ишканасынын Нарын филиалынын жооптуу кызматкерлери 2016-жылдан 2020-жылга чейин электр энергиясына болгон 219 миллион 667 миң 300 сом өлчөмүндөгү карызды эсептен негизсиз чыгарышкандыгы аныкталган.

Бул факты боюнча 336-берене (корруция) менен кылмыш иши козголгон.

"2022-жылдын 28-февралында Башкы прокуратуранын тергѳѳ тобу тарабынан Тянь-Шань райондук электр тармактарынын жетекчиси Б.Т.О., "Чыгыш электр" ишканасынын Нарын филиалынын мурдагы директорлору А.А.А., Ж.А.М. кармалып, убактылуу кармоочу жайына киргизилди. Учурда сотко чейинки ѳндүрүш иштери улантылууда", - дешет мекемеден.

Автор: Бактыгүл Момбекова