Кыргыздын таланттуу жаштары дүйнө жылдыздарына кубулууга даяр

Зарина Осмонова "ырчы Бейонс Ноулстун чыгармаларынан аткарам" дейт

Марлен Казакстандын белгилүү ырчысы Кайрат Нуртастын "Аурмайды журек" аттуу ырын аткарууга даярданууда

Ильяз Жаналиев "ырчы Иван Дорндун образын жаратам" дейт

Бишкек шаарындагы түнкү клубдардын биринде бүгүн, 24-ноябрда шоу-бизнес өкүлдөрү катышкан “Жылдыздар кубулушу” аттуу шоу-программанын 2-сезону өтөт.

Бул долбоордо искусство чөйрөсүндө жаңыдан чыгып келе жаткан жаш ырчылар, ошондой эле өз талантын сынагысы келген жаштар дүйнө жылдыздарына кубулушмакчы.

Катышуучуларды колдоп ырчылар Дайыр Исмадияров жана Курал Чокоев келди. Алар аталган иш-чара Кыргызстандын таланттуу жаштарын колдоодогу алгылыктуу долбоорлордун бири экендигин белгилеп өтүштү.

“Бул сынакка жакын тааныштарымдын бири ырчы Дархан катышып жатат. Бардык катышуучуларга ийгилик каалайм”,- деди ырчы Дайыр Исмадияров.

"Кубулууга даярбыз!" деген катышуучулар толкунданып жатышканын да жашырышкан жок.

Автор: Айпери Ганыжан кызы