“Жылдыздар кубулушу”: Журналист Ширин Асанакунова ырчы Полина Гагаринага айланды

Миңжашар Мурзаев Эрос Рамазотти менен Шердин образында

Бишкекте бүгүн, 24-ноябрда “Жылдыздар кубулушу” аттуу шоу-программасынын кезектеги сынагы өттүүдө. Кыргызстандагы таланттуу жаштардын катышуусундагы бул долбоорго искусство чөйрөсүнөн сырткары талантын сынагандардын катарын “Ала-Тоо” маалымат программасынын кабарчысы Ширин Асанакунова толуктады. Ага калыстар тобунун мүчөсү Асел Турдалиева Жаңы жылдык концертте чогуу ырдап чыгуу сунушун айтты.

Мындан сырткары ырчы Дархан Виктор Цойдун жана келечекте менеджер болууну самаган Перизат Дөөлөтбакова Шакиранын чыгармасын аткарып, көрүүчүлөрдүн сүймөнчүлүгүнө ээ боло алышты.

Миңжашар Мурзаев Эрос Рамазотти менен Шердин образын жаратты. Калыстар тобу бул жигиттин актёрдук чеберчилигине жана бир учурда аял менен эркектин үнүн кошуп образ жаратканына мыкты деген баа беришти.

Автор: Айпери Ганыжан кызы