Перизат Дөөлөтбакованы “Жылдыздар кубулушунда” ырчы Аделдин образы сактап калды

Бишкекте бүгүн, 24-ноябрда “Жылдыздар кубулушу” шоу-программасынын 2-сезонунун 1-туру болуп өттү. Кыргызстандагы таланттуу жаштардын катышуусундагы бул долбоордун шарты боюнча бүгүн эң аз упай алган 2 катышуучу сынактан четтемек. Ырчы Шакиранын образын жаратып, эң аз упай алган Перизат Дөөлөтбакова сынактын уюштуруучуларына ыраазычылык билдирип, соңунда суроолор боюнча ырчы Аделдин репертуарындагы ырды аткарып берди. Калыстар тобу чечимин өзгөртүп, Перизаттын долбоордо калуусуна уруксат берди.

Упайлар боюнча Миңжашар Мурзаев эң көп упай топтой алды. Кийинки турда да 11 катышуучу ат салышып, чыгыш стилинде ырдашат.

Автор: Айпери Ганыжан кызы