Бишкекте 21 жаштагы айдоочу эртең менен жөө адамды сүзүп кетти. Жабырлануучу жеринде көз жумду

Бишкекте таң эрте айдоочу жөө адамды сүзүп кетти. Кырсыктын кесепетинен жөө адам алган жаракаттарынан улам жеринде каза болду.

Республикалык жол кыймылынын коопсуздугун камсыздоо башкы башкармалыгынын маалымат кызматынан кабарлашкандай, кырсык бүгүн, 8-мартта саат 06:00 чамасында катталды.

"Бишкек шаарынын 21 жаштагы А.М. аттуу тургуну Киа-Морнинг унаасы менен Анкара көчөсүнөн чыгыш тарапка бара жатып жөө адамдар өтүүчү өтмөктөн өтүп бара жаткан жаранды сүзгөн. Болжол менен 40-45 жаштагы жаран алган жаракатынан улам окуя болгон жерде каза болду. Учурда маркумдун аты-жөнү такталууда. Унаа айып короосуна токтотулуп, тийиштүү экспертизалар дайындалды, тергөө иштери жүрүүдө", - дешти башкы башкармалыктан.

Автор: Бактыгүл Момбекова