Чек арадан мыйзамсыз өтүп, ашканада иштеп жүргөн. Баткенде Тажик жараны кармалды

Баткен облусунун Сүлүктү шаарында чек арадан мыйзамсыз өткөн жаран кармалды. Облустук ички иштер башкармалыгынан кабарлашкандай, кармалган жаран Тажикстандын Согди облусунун тургуну.

"Ыкчам кызматкерлер 1975-жылы туулган Сидикзода Нигинаны Сүлүктү шаарындагы ашканалардын биринде иштеп жатканда кармашты. Териштирүү иштеринин жүрүшүндө Сидикзода Нигина мамлекеттик чек араны мыйзамсыз кесип өткөндүгү белгилүү болду.

Бул факты 378-берене (мамлекеттик чек арадан мыйзамсыз өтүү) менен каттоого алынып, сотко чейинки өндүрүш иши башталды. Учурда Сидикзода Нигина убактылуу кармоочу жайга киргизилип, тергөө иштери жүрүп жатат", - дешет мекемеден.

Автор: Бактыгүл Момбекова