Америкада бороондун кесепетинен 13 адам каза болду

Америка Кошмо Штаттарындагы бороондон улам бүгүн, 26-ноябрда 13 адамдын каза болгону дайын болду. Чет элдик маалымат булактарынын кабарлашынча, табият кырсыгы Американын батыш тарабында жайгашкан Калифорния, Аризона, Нью-Мексико, Оклахома жана Техас шаарларында жашаган адамдардын өмүрүн алып кеткен.

Мындан тышкары унаа тыгындарынын көптүгүнөн, жол кырсыктарынан, бак-дарактардын кулашынан, электр зымдарынын үзүлүшүнөн улам бир катар америкалыктар зыян тартышууда. Алтургай айрым аймактарда жааган кардын бийиктиги 30 сантиметрге жетип, температура -10 градус суукка төмөндөп кеткен.

Белгилей кетсек, АКШдагы бороон 21-ноябрь күнү Түштүк Каролинада башталып, күн сайын башка штаттарды каптоодо. Эртең, 27-ноябрда бороондун Нью-Йоркко келиши күтүлүүдө.

Автор: Темирбек Матаев