Украинадагы аскердик кагылышта каза болгон Эгемберди Дорбоевдин сөөгү жерге берилди

Украинадагы аскердик кагылышта каза болгон кыргыз жигитинин сөөгү кичи мекенинде жерге берилди. Эгемберди Дорбоевди акыркы сапарга узатуу бүгүн, 25-мартта Ысык-Көл облусунун Кара-Ой айылында орун алды.

Белгилей кетсек, Украинадагы аскердик кагылышта 20 жаштагы кыргыз улутундагы Эгемберди Дорбоев аттуу Орусиянын жараны каза болгон.

24-мартта Эгемберди Дорбоевдин сөөгү Кыргызстанга алып келинген. Маркумдун сөөгү Канттагы авиабазадан Кара-Ой айылына жеткирилип, аны Орусиянын аскер кызматкерлери коштоп барышты.

Автор: Бактыгүл Момбекова
Фото: "Азаттык" үналгысы