Ырчы Кызсайкал Кабылова атасынын таарынычын жазды

Бүгүн, 26-март күнү Каба уулу Кожомкул атындагы Спорт ордосунда ырчы Кызсайкал Кабылованын жеке концерти болду.

Кечеде ырчы атасына арнаган ырынын бет ачарын жасады.

"Атам “баарыңар чыгармачылыкта жүрөсүңөр, дайыма эле апаңарга арнап ыр ырдайсыңар” деп таарынып калчу. Ошондо концертимде атама ыр арнайм деп өзүмө сөз бергем. Бүгүн ошону аткарып турам, мен атамдын кызы болгонума сыймыктанам", - дейт ырчы.

Кечеде ырчы агалары Эрнис Бөрүбаев, Бекзат жана Мажит Кабыловдор менен чогуу дуэт аткарышты. Мындан тышкары концерттин алып баруучулары залдагы элге оюн ойнотушуп, белектерди беришти.

Автор: Каныкей Амантаева
Фото: Каныкей Амантаева