Чүй облусунун тургуну курал уурдап сатууга айыпталып кармалды

Чүй облусунун тургуну курал уурдап сатууга айыпталып кармалды. Бул тууралуу Чүй облустук ички иштер башкы башкармалыгынын басма сөз кызматынан билдиришти.

Маалыматка ылайык, милицияга С аттуу жаран курал сатып жүргөндүгү тууралуу маалымат түшкөн. Бул факты Кылмыш-жаза кодексинин 267-беренеси (куралды, ок-дарыларды мыйзамсыз жүгүртүү) менен катталып, сотко чейинки териштирүүлөр башталган.

Анда 55 жаштагы Ц.А. аттуу адам Чүй облусунун Панфилов районундагы кашарлардын биринен 16-калибрдеги ТОЗ үлгүсүндөгү мылтыкты жана 2 огун уурдап, кийин аларды башка адамга сатып жибергени аныкталган.

Кармалган адам убактылуу кармоочу жайга киргизилди.

Учурда тергөө иштери уланууда.

Автор: Кенжебай Сатканалиев