Жайыл районунда киши өлтүрүүгө шектүү кармалды

Жайыл районунда киши өлтүрүүгө шектүү кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, милицияга 26-март күнү аял кишинин жансыз денеси табылгандыгы тууралуу маалымат түшкөн. Жайыл РИИБинин ыкчам тергөө тобу окуя болгон жерге дароо чыгышкан. Териштирүү учурунда ал 1958-жылы туулган Н.Л. аттуу жаран экендиги такталып, киши колдуу болуп каза болгондугу аныкталган.
Анын негизинде катталган материал Кылмыштардын бирдиктүү реестрине Кылмыш-жаза кодексинин 122-беренеси (киши өлтүрүү) боюнча катталып, сотко чейинки өндүрүш иштери башталган.
Милиция кызматкерлери тарабынан жүргүзүлгөн ыкчам тергөө иш-амалдарынын натыйжасында, жогорудагы кылмышка шектелип 1981-жылы туулган Д.П. аттуу адам кармалып, убактылуу кармоочу жайга камакка алынган.
Алдын ала маалыматтар боюнча, жогорудагы окуя мас абалында ортодон чыккан пикир келишпестиктен улам болгон.

Автор: Кенжебай Сатканалиев