Сокулукта 10 жашар кызды зордуктоого айыпталган адамга сот өкүмү чыкты

Сокулукта 10 жашар кызды зордуктоого айыпталган адамга сот өкүмү чыкты. Ал Жогорку Соттун расмий сайтына жайгаштырылды.

Маалыматка ылайык, окуя былтыр 2021-жылы 26-июнда болгон. Анда 10 жашар кызды С.Э.Ш. аттуу адам мас абалында зордуктап койгон деп айыпталып кармалган.

Күбөлөрдүн көрсөтмөлөрүнө ылайык, С.Э.Ш. аттуу жергиликтүү тургун мас абалында кошунасынын 2011-жылы төрөлгөн кызын күч менен үйүнө сүйрөп кирип, ыплас сексуалдык аракеттерди жасаган.

Дайындалган экспертиза жабырлануучунун кыздыгы бузулбагандыгын аныктаган.

Бул иш 17-мартта Сокулук райондук сотунда каралып, сот бардык материалдар менен таанышкандан кийин айыпталуучуну күнөөлүү деп таап, 15 жылга эркинен ажыраткан.

Автор: Кенжебай Сатканалиев