ИИМ: "Адам өмүрүн алган жол кырсыктарынын көпчүлүгү оң рулдуу унаалардын кесепетинен"

Кыргызстанда адам өлүмү менен коштолгон жол кырсыктарынын 22 пайызы оң рулдуу унаалардын кесепетинен. Бул тууралуу Ички иштер министрлигинен билдиришти.

Жүргүзүлгөн изилдөөлөргө ылайык, оң рулдуу унаалардын айдоочуларынын күнөөсүнөн Кыргызстанда 2021-жылдын ичинде 1624 жол кырсыгы катталган же жалпы жол кыймылынын кырсыктарынын 25,1 пайызын түзөт. Анда 2772 адам жаракат алган. Ал эми 2021-жылдын ичинде 176 адам каза болгон же жалпы жол кыймылынын кырсыктарынан 22 пайызын түзөт. Адам өлүмү менен коштолгон жол кыймылынын кырсыктарынын көбү оң рулдуу унаалардын айынын.

"Рулу оң тарабында жайгашкан транспорт каражаттарын башкаруу бир аз башкача. Анткени бул жерде негизги кыйынчылыктар ашып өтүү сыяктуу факторду жаратат: унаа каршы тилкеге көбүрөөк чыгууга аргасыз болот.
Кыргыз Республикасында оң тараптуу жол кыймылы бар, ошондуктан айдоочу келе жаткан унаанын алдынан ары карай жолду көрө алышы үчүн сол жакта отурушу керек. Тез жакындап келе жаткан объект курч кырдаалда, көпчүлүк айдоочулар рулду солго бурушат. Оң жакта жүргөндө, мындай тегиздик айдоочунун жанындагы жүргүнчү отургучунда адамдын өлүмүнө алып келет, ал эми сол жакта болсо, унаа адатта жөн эле жолдон чыгып кетет", - деп билдиришти ИИМден.

Кыргызстанда оң рулдуу унаалардын саны жалпы автотранспорттун 17 пайызын түзөт. Ал эми айдоочулардын айынан жол кыймылынын кырсыгына катышуу 25 пайызды түзөт. Мындай унаалар өлүмгө алып келген оор жана өзгөчө оор жол кыймылынын кырсыктардын 60 пайызын түзөт.

Буга чейин Жогорку Кеңештин депутаты Чолпон Султанбекова Жогорку Кеңеш оң рулдуу унааларды алып кирүүгө тыюу салууну алып салуу боюнча мыйзам долбоорун даярдай турганын билдирген.

Автор: Азат Бейшенбеков