Баткенде соңку 3 айда оң рулдуу унаалар катышкан 4 жол кырсыгы катталып, 3 адам каза болду

Баткенде оң рулдуу унаалардын катышуусу менен 3 ай ичинде 4 жол кырсыгы катталып, 3 адам каза болду. Бул тууралуу Баткен ОИИБинен билдиришти.

Маалыматка ылайык, Баткен облусунун аймагында 2021-жылдын 12 айында оң рулдуу унаалардын айдоочуларынын катышуусу менен 33 жол кыймылынын кырсыгы катталган. Анын кесепетинен 4 адам каза болуп, 86 адам ар кандай жаракаттарды алган.

Ал эми 2022-жылдын 3 ай аралыгында оң рулдуу унаалардын айдоочуларынын катышуусу менен 4 жол кырсыгы катталып, анын кесепетинен 3 жаран каза болуп, 1 жаран денесинен жаракат алып ооруканага кайрылган.

Автор: Жолдубек Качкынбаев