Кадыр түндү кантип туура тосуу зарыл? Муфтияттын өкүлүнөн жооп

Кадыр түн - Ислам дининдеги эң ыйык түндөрдүн бири. Бул түн өзүнүн өзгөчөлүгү Орозо айынын акыркы он күнүнүн так күндөрүнө жашырылганы, сырдуу кылынганы. Ислам дүйнөсүндө кадыр түндү Орозонун 26-күндөн 27-күнгө караган түнү деп эсептешет.

SUPER.KG порталы Кадыр түндүн артыкчылыктары, белгилери жана Кадыр түндү туура тосуу тууралуу Муфтияттын халал иштерин өнүктүрүү бөлүмүнүн башчысы Бактияр Токтогазы уулунан жооп алдык.

Өлкөдөгү ооз бекитүүнүн жана ооз ачуунун убактылары (календарь)

- Кадыр түндүн артыкчылыктары...

- Кадыр деген сөз араб тилинен келген. Кыргызча которгондо урматтуу деген маанини билдирет. Экинчи тагдыр маселеси бар. Бир жылда болчу нерселер кадыр түндө жазылат деген түшүнүк бар.

Орозо айында Куран түшүрүлгөн. Жараткан куранды Жебрейл периште аркылуу Мухаммед пайгамбарга (саллаллаху алейхи ва саллам) түшүргөн. Эң маанилүүсү бул күнү периштелер түшө турган күн.

- Кадыр түндүн белгилери кандай болот?

Бул түнү ысык да, суук да болбойт. Түнкүсүн абанын температурасы мелүүн келип, үшүк жүрбөйт. Катуу шамал болбойт;
Бул түн тынч, бейпил келип, асман булутсуз жана жаансыз болот;
Бул түндө жылдыздар (кометалар) учпайт;
Күн чыкканда ай толгон убактагыдай нурсуз чыгат, анткени бул түнү периштелер жерге түшүп, таң атарда кайра асманга көтөрүлүшөт. Алардын көптүгүнөн күндүн нуру көрүнбөйт.

Ислам дүйнөсүндө кадыр түн 26-күндөн 27-күнгө караган түнү кармашат. Бирок акыркы 10 күндүктө кадыр түндү издеген жакшы. Себеби Пайгамбарыбыз (саллаллаху алейхи ва саллам) акыркы он күндү мечитте өткөргөн. Ошондуктан ким кадыр түндү өткөрөм десе акыркы 10 түндөн издеши керек.

Орозо кайсы учурда бузулат? Уктап калып убагында ооз жаппай калса эмне болот? Муфтияттын өкүлү менен маек.

- Кыз-келиндер дагы мечиттерге барып кадыр түндү тозсо болобу?

- Бара турган мечитте шарттар түзүлгөн болушу керек. Бишкектеги чоң мечиттерде эле шарт болгон болбосо, көпчүлүк мечиттерде шарттар жок. Эркектер менен аралашпашы зарыл.

- Кадыр түндү кантип туура тосуу зарыл?

- Эң жакшысы Кудайга жаккан иш менен өткөрүү керек. Мисалы, кээде оюн-зоокко айлантып жибериши мүмкүн. Бул туура эмес. Бул күнү периштелер түшөт деп айтылат. Намаз, куран окуп, ибадат кылышыбыз керек. Элге, өзүбүзгө дуба кылабыз.

Автор: Айжанар Рыспек кызы
Фото: Интернеттен алынды