Чүйдө курал-жарактар табылган жайдан Казакстанга таандык сим-карталар алынды

Чүй облусунда курал-жарактар сакталган жай аныкталды. УКМКнын маалымат кызматынан билдиришкендей, 4-апрелде чек арачылар менен коопсуздук комитеттин кызматкерлери курал-жарактарды табышкан.

Анда аңчылык үчүн сайсыз мылтык, газ-травматикалык тапанча, үн чыгаруучу граната, ошондой эле автомат жана тапанча үчүн 7,62 калибрдеги ок-дары, 16-калибрдеги аңчылык гильзалары, порошок, ок, ошондой эле казакстандык Beeline компаниясына таандык эки сим-карта алынган.

"Алдын ала маалыматтар боюнча, табылган курал-жарак жана ок-дарылар кылмыш жасоо үчүн даярдалган. Курал-жарактын келип чыгышы жана жашыруун жайларды уюштурган адамдар аныкталат", - деп айтылат билдирүүдө.

Автор: Бактыгүл Момбекова
Фото: УКМКнын маалымат кызматы