Чүйдө 30 жаштагы кишини бычактаганга шектүү кармалды

Чүйдүн Жайыл районунда 30 жаштагы киши бычакталып, ооруканага түштү. Облустук ички иштер башкы башкармалыгынан кабарлашкандай, кылмышка шектүү кармалды.

Башкармалыктын маалыматы боюнча, 8-апрелде милицияга аймактык ооруканадан билдирүү түшкөн. Анда 1992-жылы туулган А.А. аттуу жаран бычактан жаракат алгандыгы маалымдалган.

Бул факты Кылмыштардын бирдиктүү реестрине 130-берене (Ден соолукка оор залал келтирүү) боюнча катталып, сотко чейинки өндүрүш иштери башталган.

"Жүргүзүлгөн ыкчам тергөө иш-амалдарынын натыйжасында жогорудагы кылмышка шектелип 1987-жылы туулган С.Д. кармалып, убактылуу кармоочу жайга камакка алынды. Окуя ортодон чыккан пикир келишпестиктен улам болгону аныкталды. Учурда сотко чейинки өндүрүш иштери улантылууда", - дешет маалымат кызматынан.

Автор: Бактыгүл Момбекова
Фото: Чүй ОИИББи