Чүйдө 9 миң сом уурдаган деп айыпталып 40 жаштагы адам камакка алынды

Чүй районунда уурулукка шектүү адам кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, 7-апрель күнү Чүй РИИБине 1994-жылы туулган К.М. аттуу жаран арыз менен кайрылып, үйүнөн 9 миң сомун белгисиз бирөөлөр уурдап кетишкенин билдирген.

Бул факты Кылмыштардын бирдиктүү реестрине Кыргыз Республикасынын Кылмыш-жаза кодексинин 205-беренеси (уурдоо) боюнча катталып, сотко чейинки өндүрүш иштери башталган.
Чүй РИИБинин кылмыш иликтөө кызматкерлери тарабынан жүргүзүлгөн ыкчам иш-чаралардын натыйжасында, жогорудагы кылмышка шектелип 1982-жылы туулган К.В. аттуу жаран кармалып тергөө кызматына өткөрүп берилген.
Учурда шектүү жарандын дагы башка кылмыштарга тиешеси бар же жок экендиги боюнча териштирүү иштери жүргүзүлүүдө.

Автор: Кенжебай Сатканалиев