"Мекендештерин тоногон". Орусияда камалган 2 кыргызстандык боюнча Тышкы иштер министрлиги билдирүү жасады

Орусиянын Санкт-Петербург шаарында кыргызстандыктар башка мигранттарга кол салып, тоноп кеткени тууралуу маалымат боюнча Тышкы иштер министрлиги тактоо иштерин жүргүзүүдө. Бул тууралуу SUPER.KG порталына аталган министрликтин басма сөз кызматынан билдиришти.

Министрликтин алдын ала маалыматтары боюнча, 11-апрелде Санкт-Петербург шаарынын Выборгский районунда Кыргыз Республикасынын 2 жараны Орусиянын Кылмыш-жаза кодексинин 162-беренеси (каракчылык) менен каралган кылмыш ишин жасап, бир топ адам менен биргеликте өз мекендештерине каракчылык менен кол салышып, алардын телефондорун жана акчаларын тартып алышкан.

Иштин бардык жагдайларын тактоо жана расмий билдирүү алуу үчүн Орусиядагы кыргыз элчилиги жергиликтүү кук коргоо органдарына суроо-талап жиберген.

Автор: Кенжебай Сатканалиев