Сокулук районунун тургуну "кошунасынын үйүн өрттөгөн" деген шек менен кармалды

Сокулук районунун тургуну “кошунасы жашаган үйдүн чатырын атайын өрттөп салган” деген шек менен кармалды. Бул тууралуу 27-ноябрда Чүй облустук ички иштер башкы башкармалыгынын басма сөз кызматы билдирди.

Тергөөнүн маалыматына ылайык, бир нече күн мурун милиция бөлүмүнө 59 жаштагы Военно-Антоновка айылынын тургуну кайрылып, түнү үйүндө өрт чыкканын айткан. Эксперттер өрттүн атайын чыгарылганын аныкташкандан кийин аталган факты боюнча кылмыш иши козголгон.

Кылмышка шектелип 1978-жылы туулган Сокулук районунун тургуну кармалды.

Автор: Айпери Ганыжан кызы