Аламүдүн айыл өкмөтүнүн үч кызматкери камакка алынды

Чүйдүн Аламүдүн районунда кызмат абалынан кыянаттык менен пайдаланышкан деп айыпталып айыл өкмөттүн кызматкерлери кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, Аламүдүн районунун Аламүдүн айыл аймагынын 3 кызматкери камакка алынган. Анда айыл өкмөттүн орун басары 1974-жылкы К.А, Аламүдүн айыл өкмөтүнүн мурдагы кызматкери 1963-жылы туулган К.А жана айыл өкмөттүн 1960-жыкы Д.Ю. аттуу жооптуу катчысы камалган. Алар 2019-жылы ушул адамдар жасалма документ менен айыл өкмөттүн жерин үй курууга бөлүп берип, 15 миң доллар алышкан деп айыпталууда.

Автор: Кенжебай Сатканалиев