Бакай-Ата райондук сотунун судьясы пара алуу фактысы менен кармалды

Талас облусунун Бакай-Ата райондук сотунун судьясы кармалды. Бул тууралуу УКМКдан билдиришти.

Атайын кызмат тарабынан райондук соттун судьясы тарабынан 25 миң сом өлчөмүндө пара талап кылуу фактысы аныкталды.

Аталган судья Т.Б.Ш. жабырлануучудан мурда 5 миң сом өлчөмүндө акчалай сыйлык алып, кийин 2022-жылдын март айында сот отурумунун катчысы аркылуу белгиленген сумманын бир бөлүгү 10 миң сом өлчөмүндө каражатын айдоо жерлерин бөлүштүрүү боюнча каралып жаткан жарандык иш боюнча оң чечим чыгаруу үчүн алганы аныкталган.

Аталган факты Башкы прокуратура тарабынан Кылмыш-жаза кодексинин "опузалап пара алуу" боюнча Кылмыштардын бирдиктүү реестрине катталган.

Азыркы учурда козголгон кылмыш ишинин алкагында тиешелүү ыкчам тергөө иш-чаралары жүргүзүлүүдө.

Автор: Айжанар Рыспек кызы