Милиция жардам сурайт. Ошто сот үй камагына чыгарган шектүү дайынсыз болуп изделүүдө

Ош ШИИБи баӊгизаттарын ири көлөмдө сатып өткөрүү максатында мыйзамсыз сактоо, ташуу жана сатууга шектелген Ош облусунун Өзгөн районунда туулган, убактылуу Кара-Суу районунун Жаӊы-Арык айылында жашаган 1987-жылы туулган Калыков Гүлжигит Абдыкааровичке издөө жарыялайт. Бул тууралуу Ош шаардык милициясынан маалымдашат.

Билдирүүгө ылайык, Ош шаардык соту шектүүнү 22-апрелде үй камагына чыгарган, ошондон бери ал тергөөгө келбей из жашырган.

Бою 170-175 сантиметр, арык чырай, өзгөчө белгилери жок.

Издөөдө жүргөн Гүлжигит Калыков тууралуу кандайдыр бир маалыматтарыӊыз болсо Ош шаардык ички иштер башкармалыгынын кылмыш иликтөө бөлүмүнө 0557-78-01-79, 0700-45-89-89, 03222-4-82-82 телефон номерлери аркылуу кабарлап коюуну кызматкерлер суранат.

Автор: Бактыгүл Момбекова