1-майдан баштап Кыргызстанга кирүүдө ПЦР-тест талап кылынбайт

1-майдан баштап Кыргызстанга кирүүдө ПЦР-тест талап кылынбайт. Бул тууралуу Министрлер кабинетинин басма сөз кызматынан кабарлашты.

Маалыматка ылайык, министрлер кабинетинин төрагасынын орун басары Эдил Байсалов коронавирустун жайылышына каршы күрөшүү боюнча ыкчам штабынын жыйынын өткөрдү. Анда Саламаттык сактоо министрлигине тийиштүү мамлекеттик органдар менен биргеликте 1-майдан тарта өлкө аймагына келген кыргызстандыктар менен чет элдик жарандардан ПЦР-тесттин жыйынтыгы менен вакцина алгандыгы тууралуу сертификатты талап кылуу эрежесин жоюу тапшырмасы берилди.

Мындай эреже Кыргызстанга бардык транспорттук кражаттар менен киргендер үчүн иштейт.

Автор: Кенжебай Сатканалиев