Жалал-Абадда жүк ташуучу унаа оодарылып, айдоочу ооруканага түштү

Жалал-Абад облусунун Таш-Көмүр шаарында жүк ташуучу унаанын айдоочусу рулга ээ боло албай, кырсыкка кабылды. Айдоочунун абалы орто дешет ӨКМнын маалымат кызматынан.

Белгилүү болгондой, Бишкек-Ош унаа жолунда Мерседес-Бенц 814 үлгүсүндөгү жүк ташуучу унаанын айдоочусу рулга ээ боло албай оодарылып кеткен.

"Кырсыктын кесепетинен 1974-жылы туулган айдоочу жабыркаган. Жерине куткаруучулар жеткенге чейин жабырлануучуну "Тез жардам" кызматы Таш-Көмүр шаардык ооруканасына алып кеткен. Айдоочунун абалы орто", - дешет маалымат кызматынан.

Автор: Бактыгүл Момбекова