Бишкекте бүгүн “Кыргыздын салттуу элечеги” аттуу көргөзмөнүн ачылышы болуп өттү (фоторепортаж)

“Кыргыздын салттуу элечеги” аттуу көргөзмөнүн жүрүшүндө элечекти ороо боюнча мастер-класс өтүлдү

“Кыргыздын салттуу элечеги” аттуу көргөзмөнүн жүрүшүндө элечекти ороо боюнча мастер-класс өттү

“Кыргыздын салттуу элечеги” аттуу көргөзмөнүн жүрүшүндө элечекти ороо боюнча мастер-класс өтүлдү

“Кыргыздын салттуу элечеги” аттуу көргөзмөнүн жүрүшүнөн

“Кыргыздын салттуу элечеги” аттуу көргөзмөнүн жүрүшүнөн: Түндүк аймактагы элечек

“Кыргыздын салттуу элечеги” аттуу көргөзмөнүн жүрүшүнөн

“Кыргыздын салттуу элечеги” аттуу көргөзмөгө коюлган элечектер

“Кыргыздын салттуу элечеги” аттуу көргөзмөгө коюлган элечектер. Кытайлык кыргыз аялдарынын элечеги

“Кыргыздын салттуу элечеги” аттуу көргөзмөгө коюлган элечектер

“Кыргыздын салттуу элечеги” аттуу көргөзмөнүн ачылышы

Бишкекте бүгүн, 28-ноябрда Мамлекеттик тарых музейинде “Кыргыздын салттуу элечеги” аттуу көргөзмөнүн ачылышы болуп өттү. “Элечек” долбоорунун негизги максаты бул баш кийимдин түзүлүшүн, анын ороо ыкмаларын изилдеп, салттуу элечекти сактап калуу болгон. Долбоордун иш тобу изилдөөдө эл арасындагы маалыматчылардын билген-көргөндөрүнө жана этнографиялык материалдарга таянган.

Долбоорду ишке ашырууга Айдай Асангулова, Асел Калканова, Назира Момунбаева, Эмил Тилеков жана башка этнографтар катышкан.

"Көргөзмөгө коюлган элечектер Ош, Нарын, Ысык-Көл облустарынан жана Тажикстандын Мургаб районунда жашаган кыргыздардан алынды. Түштүк аймакта аныкталган элечектер азыркы күнгө чейин колдонулгандыктан, башка жактагыларга салыштырмалуу толук чогултулду",- деди уюштуруучу топтун мүчөсү Айдай Асангулова.

Мындан сырткары түндүк элечектери боюнча маалымат берүүчүлөр аз болгон. Ага карабастан маалыматтарды салыштыруу, тарыхый сүрөттөрдү изилдеп-талдоо менен түндүк аймактардагы элечектердин өзгөчөлүгү аныкталган.

"Долбоордун алкагында Ысык-Көл облусунун Ак-Суу районуна караштуу Энчилеш айылында, Тоң районунун Кызыл-Туу айылында жана Нарын шаарында элечек ороо ыкмалары көрсөтүлдү. Мастер-класста оролгон элечектер Ысык-Көл облусунда өткөн 2-Эл аралык "Кийиз дүйнө фестивалында колдонулду",- деди Асангулова.

Эскерте кетсек, “Элечек” долбоору өз ишин "Кристенсен" фондунун колдоосунда 2013-жылдын январь айынан баштаган. Көргөзмө 12-декабрга чейин уланат.

Автор: Айпери Ганыжан кызы
Фото: Айпери Ганыжан кызы