Таласта Спринтер бакты сүзүп, кырсыктан бир адам каза болду

Талас облусунда катталган жол кырсыгынан бир адам каза болду. Бул тууралуу Өзгөчө кырдаалдар министрлигинин басма сөз кызматы билдирди.

Билдирүүгө ылайык, Суусамыр-Талас-Тараз унаа жолунун 163-чакырымында Mercedes Benz Sprinter үлгүсүндөгү унаанын айдоочусу рулга ээ боло албай жолдон чыгып бакты сүзгөн. Кырсыктын кесепетинен 1989-жылы туулган А.К. аттуу эркек киши каза болуп, 1994-жылы туулган Б. уулу А., 1976-жылы туулган К.Т., 1994-жылы туулган Б.уулу.Ш., 2001-жылы туулган О.И., 1989-жылы туулган Н.М. аттуу 5 эркек киши ар кандай жаракат алышкан.

Жерине 4 куткаруучу тартылып, 2 жабыркаган жаранды унаадан чыгарып, "Тез жардам" кызматына өткөрүп беришкен.

Автор: Азат Бейшенбеков