Рэпер Добр: "Атамдай болгусу келгендер көп болчу"

Акыркы убакта сахнадан көрүнбөй калган ырчы мырзабыз Добр бул жолу биздин маек төрүбүздө. Сахнадан алысташынын себебин сураганыбызда "атам көз жумгандан бери сахнага чыкпай жүргөм жана дагы чыгармачылыктан сырткары чакан бизнес ачкам" дейт ырчы. Рэпер акыркы жаңылыктары менен порталыбызга маек курду.

"Сахнадан алысташымдын себеби атам 2020-жылы пандемия учурунда каза болду. Үйүбүздө зообуз кулады, атамдын орду толгус. Ал намаз окуган адам эле, апамдын да намаз окуусуна түрткү болуп кетти. Буюрса, биз дагы окуйбуз деп ниет коюп жүрөбүз. Атамдай болгусу келгендер көп болчу. Чыгармачылыктан алыстаганымдын дагы бир себеби "Нукура каттама" деген чакан бизнес ачкам. Жакында жаңы чыгармаларымды жалпы журтубузга тартуулайм", - дейт Добр.