"Баары бекер". Ата-энелер "Алтын балалыкка" балдарын кантип жиберсе болот? Министр жооп берди

Чолпон-Ата шаарында ачылган "Алтын балалык" реабилитациялык борборунда бардыгы бекер болот. Бул тууралуу саламаттыкты сактоо министри Алымкадыр Бейшеналиев журналисттерге билдирди.

"Өлкөнүн ар бир районунда аз камсыз болгон үй-бүлөлөрдү тактоо үчүн адамдар жөнөтүлгөн. Алар бизге тизмени түзүп, балдарды Саламаттыкты сактоо министрлигине алып келишет. Биз балдарды бул жакка алып келебиз", - деди Бейшеналиев.

Мындан тышкары министр реабилитациялык борбордо бардыгы бекер экенин белгилеп, борбор демөөрчүлөр тарабынан каржыланып жатканын айтты.

Белгилей кетсек, бүгүн, 1-июнда Чолпон-Ата шаарында "Алтын балалык" реабилитациялык борбору расмий түрдө ачылган.

Автор: Азат Бейшенбеков