Нарында чуңкурда түтүкчө орнотуп жаткан адамды топурак басып калды (фото)

Нарын шаарында экскаватор казган чуңкурда суу өткөрүүчү түтүкчө орнотуп жаткан адамды топурак басып калды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, кечээ, 8-июнда Нарын шаарынын Айгыржал көчөсүндө жайгашкан үйлөрдүн биринде адамды топурак басып калды деген маалымат түнкү саат 23:05те түшкөн.

Аны 4 куткаруучу жана Э.Т. аттуу шаар тургуну куткарып, “Тез жардам” кызматына болжол менен саат 23:30да өткөрүп беришкен.

"36 жаштагы шаар тургуну экскаватор казган чуңкурда суу өткөрүүчү түтүкчө орнотуп жатканда үстүнөн топурак басып калган. Бактыга жараша, ал аман калды", - деп билдиришти ӨКМдан.

Автор: Азат Бейшенбеков