Тергөө абагында жаткан Марат Казакпаев комага түштү

УКМКнын тергөө абагында камакта жаткан саясий серепчи Марат Казакпаев оор абалда ооруканага жеткирилди. Учурда ал комада жатканын Казакпаевдин жактоочусу Икрамидин Айткулов тарабынан белгилүү болду.

Маалым болгондой, саясий серепчи бүгүн, 9-июнда эртең менен ооруканага түштү.

"Марат Казакпаев "Тез жардам" кызматы менен №1 шаардык клиникалык ооруканага жеткирилди. Ага геморрагиялык инсульт диагнозу коюлду. Учурда комада жатат", - дейт жактоочу.

Эске салсак, 2021-жылы 13-апрелде УКМК тарабынан мамлекеттик чыккынчылыкка катыштыгы бар деген далилдердин негизинде 2 жаран кармалган. Кийин кармалган жарандардын бири саясий серепчи Марат Казакпаев экени белгилүү болуп, ал 14-июнга чейин камакка алынган.

Автор: Бактыгүл Момбекова