Комада жаткан Марат Казакпаев каза болду

УКМКнын тергөө камак жайынан ооруканага түшкөн саясий серепчи Марат Казакпаев бүгүн, 10-июнда каза болду. Бул тууралуу анын жактоочусу Икрамидин Айткулов тарабынан белгилүү болду.

"Мен түштөнүү убагында кабар алайын десем каза болгонун айтышты. Эгер туугандары макул болсо, маркумга убагында медициналык жардам көрсөтүлдүбү, эмнеден улам көз жумганын тактоо үчүн тиешелүү жакка кайрылып, соттук-медициналык экспертиза жасатам", - дейт жактоочу.

Белгилей кетсек, 9-июнда Марат Казакпаев оор абалда ооруканага жеткирилип, комага түшкөн.

SUPER.KG порталынын эмгек жамааты Марат Казакпаевдин дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.

Автор: Бактыгүл Момбекова