Кеминде инисин өлтүрүүгө шектелип аталаш агасы кармалды

Чүй облусунун Кемин районунда киши өлтүрүүгө шектүү кармалды. Бул туурасында облустук милициядан билдиришти.

Ага ылайык, 19-июнда милицияга жергиликтүү тургун кайрылып, кошунасы бир нече күндөн бери үйүнөн көрүнбөй калгандыгын билдирген.

Аталган дарекке милиция кызматкерлери барган учурда үйдө 1992-жылы туулган Б.С. аттуу жарандын жансыз денеси табылган. Кароо учурунда анын денесинен жаракаттар аныкталып, киши колдуу болгондугу такталган.

Бул факты Кылмыштардын бирдиктүү реестрине Кылмыш-жаза кодексинин 122-беренеси "киши өлтүрүү" боюнча катталып, сотко чейинки өндүрүш иштери башталган.

Кылмышка шектелип 1979-жылы туулган Б.А. аттуу аталаш бир тууган агасы кармалып, убактылуу кармоочу жайга камакка алынган. Учурда сотко чейинки өндүрүш иштери улантылууда.

Автор: Айжанар Рыспек кызы
Фото: Чүй ОИИББи